शुस्मालाई खडेरी पछीको बर्षा

आइटम सङमा देखिने शुष्मा अब 'बाउन्सर'मा
```````````````````````````````



 केही सिनेमाको आईटम सङमा कम्मर मर्काएपनि नायिका शुष्मा कार्कीको हातमा लामो समयदेखि कुनै सिनेमा परेको छैन ।

सिनेमा वारको सुटिङ सेटबाट आउट भएपछि उनलाई कुनै नयाँ प्रोजेक्ट मिलेको भने थिएन । निर्देशक मदन घिमिरेको निर्देशनमा निर्माण हुन लागेको चलचित्र 'बाउन्सर'बाट नायिका कार्की सिनेमामा फर्कने भएकी हुन् ।

चलचित्र बाउन्सरमा नायिका कार्कीले यस चलचित्र भित्र सुरुमा दु: ख पाएको केटीको भूमिका निभाउने र पछि जीवन धान्नको लागि डान्स बारमा काम गर्ने बताएकी छिन् । सिनेमा लुटको उध्रेको चोलीबाट चर्चामा आएकी यि नायिकाले चलचित्र विन्दासमा उत्तेजक दृश्य लिएर चर्चामा आएकी थिइन् ।

सिनेमा बाउन्सरमा भने शुष्माले सामान्य रुपमा प्रस्तुत हुने बताएकी छिन् । सिनेमा भित्र भल्गर दृश्य नदिने घोषणा गरेकी शुष्माले बाउन्सरमा कस्तो दृश्य दिनेछिन् त्यो सिनेमा रिलिजपछि नै थाहा होला ।